तदेतत् सत्यम् । यथा सुदीप्तात् पावकाद् विष्फुलिङ्गाः

॥ अथ द्वितीये प्रथमः खण्डः ॥

उपनिषत्

( विश्वस्रष्टा विष्णुः )

ॐ ।। तदेतत् सत्यम् ।

यथा सुदीप्तात् पावकाद् विष्फुलिङ्गाः

सहस्रशः प्रभवन्ते सरूपाः ।

तथाऽक्षराद् विविधाः सोम्य भावाः

प्रजायन्ते तत्र चैवापियन्ति

श्रीनिवासतीर्थविरचिताखण्डार्थः

श्रुतिर्वक्ष्यमाणप्रमेयविश्वासजननायाह- तदेतदिति ॥ यद्गुरुणोत्तरत्रोपदिश्यते तत्सत्यं यथार्थम् । `न मिथ्येत्यर्थः । गुरूपदेश- प्रकारमेवाह- यथेत्यादिना ॥ हे सोम्य स दृष्टान्तो यथा सुदीप्तात् पावकादनेः सहस्रशः सहस्रसङ्ख्याकाः सरूपाः पावकसमानरूपाः शुक्लभास्वर- रूपवन्त इति यावत् । विष्फुलिङ्गाः प्रभवन्ते प्रभवन्ति । तत्रैव पुनरपि- यन्तीति च ग्राह्यम् । तथाऽक्षराद् भगवतः सकाशाद् विविधा अनेक- प्रकारा भावाः पदार्था प्रजायन्ते तत्रैवाक्षरप्रलये अपियन्ति प्रविशन्ति चेत्यर्थः ॥ १ ॥